Stofnun Elliða
Kiwanisklúbburinn Elliði var stofnaður 23, október 1972 og voru stofnfélagar 38.
Móðurklúbbur okkar var Kiwanisklúbburinn Hekla. Fundarstaður Gæsibær.
Elliði var fyrsti hverfis klúbburinn í Reykjavík. Í dag fundum við í eigin húsnæði
að Grensásvegi 8.
Ýmsar leiðir hafa verið til fjáröflunar og var sú fyrsta jólatréssala sem við stóðum
að í nokkur ár en í dag höldum við Villibráðarkvöld á Hótel Loftleiðum í október
ár hvert. Styrkveitingar hafa verið til ýmissa stofnana, en föst styrktarverkefni
gegnum árin hafa verið til íþróttafélags fatlaðra, bókagjafir til þeirra nemenda
í 10. bekkjum grunnskólanna í Breiðholti sem skara fram úr í islensku, svo og að dreifa
reiðhjóla hjálmum til 6 ára barna í grunnskólunum í Breiðholti. Síðustu ár höfum
við styrkt Barna og unglinga geðdeild Landspítalans.
Fastir liðir í starfsemi Elliða er Lúsifer sem er athöfn sem framkvæmd er af forseta síðasta
starfsárs og er þar alltaf glaumur og gleði. Sumarferðir Elliða hafa og verið fastur liður í starfsemi
klúbbsins, nánast frá upphafi, við miklar vinsældir félaga. Siðameistari Elliða er ómissandi á fundum okkar
og sér hann um að halda uppi aga í klúbbnum.
Kiwanisklúbburinn Elliði hefur staðið að stofnun þriggja klúbba, Jörva, Höfða og Vífils. Einnig veitir hann Dyngjunum sem er sprotaklúbbur aðstöðu í húsnæði sínu að Grensásvegi 8. Í dag
er félagafjöldi Elliða 27.
